مانك صافيه

مانك صافيه ... اتسيلي نهار وليل ع اللي جافيه
علي ما نهيت اوحلت
ليش سمرتي .....وليش دمعتك فوق الخدود حدرتي
ذوقي امرارا ما عليه اجبرتي.... ابروحك وطيتي جمر ناره حافيه
وابذارك علي يبس الوطاه بذرتي...... مكلوبه كلب والله مانك صافيه
هذي قرعتك واللي عليه قدرتي .... امعاك لاحمه ناره ونارك طافيه
ارياحك تخاطن قبلوا بحرتي ..... هم يضحكو وانتي اترابك سافيه
مسع نهار صفيتي .... نين م البكا ومنك انسدت نيتي
لو كان ينفعك ياما عليه شليتي.... انسيهم وقولي يا الله العافيه
في عيون الشوامت مضحكه تميتي..... سبله بلا سبله ولقيوا خافيه
وعند العواقل راخصه خفيتي.....اللي قبل مشتاقين جيك لافيه
ايش مكسبك م الدمع وايش قضيتي.... امفيت قفزتك ف ليل وانتي غافيه
للشاعر محمــد البدري

نا والصقر خذيناها احكاية في ميعاد ليلة في خفا

قاعد فوق مركازا احذايا طول الوقت ما لحظة غفا

برمز كلام شاكيتا بدايا معاي نهال وبهما شكا

ياس طويل مالهشي نهاية مطرا كيف مطرايا حكا

قال عبرت وما عندي دراية برماكين باتوا فالخلا

الموسم حان وتيولا اوتايا سيارات كي فرق القطا

لاند كروزر يا فيها مزايا صنعة قو صانعها اسطا

فالتشبيه تنظرها قطايا جت من وين راميها ضما

تشق الرمل وتخش الحطايا رفيقة بر رفقتها هنا

بكشافات دارلها ضوايا ابلاد تبان من بعد المدا

جميع اوتاه واخذ بالكفاية لها سواق واقظ للوتا

دروب الوطن قاريهن قراية بلون القز يخبر فالوطا

كم رقراق واوطانا حفاية فات عليه بدري فالضحا

وان جاه الليل ما داربا عناية .. بنجم الجدي فعيارا مشا

معاه اصحاب وعقولهم ملاية .. خذوا كم يوم في قيس الصلاة

ما يبوش ردتهم كبايا قالوا ليش هالمرة بطا

ونا روحت حايم في سمايا صلاة عالزين لنظارا بدا

فيسع فز فارحبا لقايا نيسي فج في طرفي رما

عليه نزلت ضميتا معايا نكابر ليش راميني ضما

قلت نروق ونبرد ضمايا ما نحساب نوقع فالخطا

تحلف غير مطلوبة جناية وين حصلت ما والي نها

بااسباقات دقولي رساية والكمبيل لعيوني غطا

مبسوطين تموا بي زهايا ونا منضام في حالة كدا

مقتنعين ردوا بي هنايا خير وفير والمولى عطاء

وين اوصلت دارولى دعايا كم ميعاد بخبارى حكا

وساهل تم عالشارى اشرايا جيت بلاش بياعى رخا

هديت ود من ضمن الهدايا بقول افلان لفلين هدا

صقر وسمح فى صدرا مرايا .. اجيود بى وشغالا قظا

وجتنى ناس ما تعرف عنايا عليك زمان يوحى بالفنا

وفعلا فيه من عند هوايه بى وفى مايرضى صغا

وهو يلاى ما ننظر سوايا صاحب قدر ويشيل العنا

كان امرضت يشقابا دوايا يفهم فى وسرارى قرا

راجل زين يستاهل ثنايا يحسب فى بحساب الضنا

طول العمر وافى كى اوفايا عهد امعاه منى عالوفا

وفيه اوحود تم هم اعدايا .. يا مولاى ياخالق السما

وخلقت الشمس وجبالا علايا .. وخلقت اغيوم تأتينا بما

دعيت بجد تستاجب ادعايا انعنهم نبت ما عنده ضرا

ايجيهم ضيم ويعيشو هتايا عيشة قهر مى عيشة زها

ونصار الصيد نتركن رمايا كم دوار ما ينضر نجا

ولكن تو ممنوعه الغايا ايام العز ردنلى شقا

عايش غصب بين اربع زوايا .. بيت ارباط بزارى بنا

عالوهام مطاول جفايا نا وياك فى الحاله سوا

رد على شاركنى شقايا واحكى كيف موالك جرا

وكيف رزاك بوسالف ثنايا وقتلى غاب ومعاه الدوا

نا ياصقر نرجى فى عنايا عليهم ياس بحكامه طغا

مشو بالسر سابولى وصايا ايجى ميعاد ويعود الغلا

صبرى فض وطاول رجايا وللى زمان ماجانى نبا

نسعى غير موجايب اسعايا على الوقت بهمومه طوا

مالياسات موباين نجايا وذيب فلاس فى وطنى عوا

اخصارة دمع موجايب ابكايا انال امفيت من جرا عما

كميت الغيض وجروحى برايا .. وجمر الشوق من مده طفا

ارضيت الوضع ومسلم الريا حاصل بين رفات الرحا

ولكن وين مدعاهم تهايا قفزت اتقول ناشلنى ارشا

رائع مانقلت أخي المتألق دمت بود

يعطيك الصح وتسلم علي الكلام الحلو

مشكورين جدا على التالق

مشكورين منورين